વિશ્વાસ ન્યૂઝને તેની તપાસમાં જાણવા મળ્યું કે વાયરલ ક્લિપ ઓક્ટોબર 2023માં રિલીઝ થયેલી ફિલ્મ તેજસની છે. આ ફિલ્મ અયોધ્યા પર આધારિત નહીં, પરંતુ તેજસ ગિલ નામના ભારતીય વાયુસેનાના અધિકારીના જીવન પર આધારિત હતી. આ ફિલ્મનો રામ મંદિર સાથે કોઈ સંબંધ નથી.
નવી દિલ્હી (વિશ્વાસ ન્યૂઝ) અયોધ્યામાં રામ મંદિરનો પ્રાણ-પ્રતિષ્ઠા મહોત્સવ 22 જાન્યુઆરીએ યોજાવા જઈ રહ્યો છે. આ વચ્ચે સોશિયલ મીડિયા પર રામ મંદિરની સાથે જોડીને એક ફિલ્મના સીનને વાયરલ કરવામાં આવી રહ્યો છે. સોશિયલ મીડિયા પર કેટલાક યુઝર્સ દાવો કરી રહ્યા છે કે આ અયોધ્યા રામ મંદિર પર બનેલી ફિલ્મનો સીન છે.
વિશ્વાસ ન્યૂઝની તપાસમાં વાયરલ દાવો ખોટો હોવાનું જાણવા મળ્યું. વાયરલ વીડિયોમાં જોવા મળી રહેલો સીન અસલમાં કંગના રનૌતની ફિલ્મ ‘તેજસ’નો છે. આ ફિલ્મ વર્ષ 2023માં રિલીઝ થઈ હતી. ફિલ્મની કહાની ભારતીય વાયુસેનાના અધિકારી તેજસ ગિલ પર આધારિત હતી.
ફેસબુક યુઝર hg9એ વાયરલ વીડિયોને શેર કર્યો છે. યુઝરે વીડિયોને શેર કરીને કેપ્શનમાં લખ્યું છે કે, “2024માં રામ મંદિર પર બનેલી ફિલ્મ #Rammandir #ayodhya #indianarmy #2024 #viral #superhit #movie”
પોસ્ટની આર્કાઇવ લિંકને અહીં જોઈ શકાય છે.
વાયરલ દાવાની તપાસ માટે અમે સંબંધિત કીવર્ડ્સ સાથે ગૂગલ પર સર્ચ કર્યું. અમને RSVP મૂવીઝની ઓફિશિયલ યુટ્યુબ ચેનલ પર વાયરલ વીડિયો સાથે સંબંધિત વીડિયો મળ્યો. 29 ઓક્ટોબર, 2023ના રોજ અપલોડ કરાયેલા વીડિયોમાં વાયરલ વીડિયો જેવું જ દ્રશ્ય જોઈ શકાય છે. અહીં ક્યાંય આ ફિલ્મ રામ મંદિર પર બની હોવાનો ઉલ્લેખ કરાયો નથી.
અમને RSVP મૂવીઝ પર 29મી ઑક્ટોબર 2023ના રોજ વાયરલ થયેલા વીડિયોની પાછળના સીનનો વીડિયો મળ્યો. વીડિયોને અહીં જુઓ.
તેજસ ફિલ્મના ટ્રેલરને G5ની સત્તાવાર યુટ્યુબ ચેનલ પર પણ જોઈ શકાય છે. 26 ડિસેમ્બર 2023ના રોજ અપલોડ વીડિયોમાં વાયરલ વીડિયો જેવા જ દ્રશ્યો જોઈ શકાય છે. વીડિયો ડિસ્ક્રિપ્શન અનુસાર, આ ફિલ્મ ભારતીય વાયુસેનાના અધિકારી તેજસ ગિલના જીવન પર આધારિત છે.
તપાસમાં આગળ અમે તેજસ ફિલ્મ વિશે સર્ચ કર્યું. દૈનિક જાગરણ પર 1 ઓક્ટોબર 2023ના રોજ પ્રકાશિત થયેલા સમાચારમાં કહેવામાં આવ્યું છે કે ”તેજસ’ પ્રથમ એરિયલ એક્શન ફિલ્મ છે, જે વાયુસેનાના અધિકારી તેજસ ગિલની કહાનીને દર્શાવશે.’ 27 ઓક્ટોબર, 2023ના રોજ પ્રકાશિત થયેલા સમાચારમાં કહેવામાં આવ્યું છે કે, ‘કંગના રનૌત સ્ટારર તેજસ ફિલ્મ સિનેમાઘરોમાં રીલિઝ થઈ ગઈ છે. આ ફિલ્મ તેજસ ગિલના ગુણોને વધુ સારી રીતે સમજાવે છે.’
અમને અન્ય કેટલાક ન્યૂઝ રિપોર્ટ્સ પણ મળ્યા, જેમાં કહેવામાં આવ્યું છે કે ફિલ્મમાં તેજસ ગિલ નામના વાયુસેના ઓફિસરની કહાની દેખાડવામાં આવી છે, જેઓ પાકિસ્તાન જઈને એજન્ટને બચાવે છે.
વધુ જાણકારી માટે અમે મુંબઈના વરિષ્ઠ પત્રકાર પરાગ છાપેકર સાથે વાતચીત કરી. તેમણે અમને કહ્યું કે, આ ફિલ્મ તેજસ ગિલ નામના ભારતીય વાયુસેના અધિકારી પર આધારિત છે. આ ફિલ્મ તાજેતરની નથી, પરંતુ ઓક્ટોબર 2023માં રિલીઝ થઈ છે. ફિલ્મના એક સીનને ખોટા દાવા સાથે શેર કરવામાં આવી રહ્યો છે.
છેલ્લે અમે વાયરલ તસવીરને શેર કરનાર યુઝરના એકાઉન્ટને સ્કેન કર્યું. અમને જાણવા મળ્યું કે યુઝર એક ખાસ વિચારધારાથી પ્રભાવિત છે. યુઝર ફેસબુક પર 7 સપ્ટેમ્બર 2023થી એક્ટિવ છે.
निष्कर्ष: વિશ્વાસ ન્યૂઝને તેની તપાસમાં જાણવા મળ્યું કે વાયરલ ક્લિપ ઓક્ટોબર 2023માં રિલીઝ થયેલી ફિલ્મ તેજસની છે. આ ફિલ્મ અયોધ્યા પર આધારિત નહીં, પરંતુ તેજસ ગિલ નામના ભારતીય વાયુસેનાના અધિકારીના જીવન પર આધારિત હતી. આ ફિલ્મનો રામ મંદિર સાથે કોઈ સંબંધ નથી.
Knowing the truth is your right. If you have a doubt on any news that could impact you, society or the nation, let us know. You can share your doubts and send you news for fact verification on our mail ID contact@vishvasnews.com or whatsapp us on 9205270923