વિશ્વાસ ન્યૂઝની તપાસમાં વાયરલ દાવો ભ્રામક નીકળ્યો. શાહરૂખ ખાનનો વીડિયો માર્ચ 2019થી ઇન્ટરનેટ પર ઉપલબ્ધ છે. આ વીડિયોનો અનંત અંબાણીના પ્રી-વેડિંગ સેલિબ્રેશન સાથે કોઈ લેવાદેવા નથી. આ વીડિયો આકાશ અંબાણીના લગ્નનો છે.
નવી દિલ્હી (વિશ્વાસ ન્યૂઝ) જામનગરમાં આયોજિત અનંત અંબાણી અને રાધિકા મર્ચન્ટના પ્રી-વેડિંગ સેલિબ્રેશનના અનેક ફોટો અને વીડિયો સામે આવી રહ્યા છે. ત્યારે હાલ એક વીડિયો સોશિયલ મીડિયા પર વાયરલ થઈ રહ્યો છે, જેમાં શાહરૂખ ખાનની સાથે અન્ય સેલેબ્સ અને નીતા અંબાણીને ડાન્સ કરતા જોઈ શકાય છે. યુઝર્સ આ વીડિયોને તાજેતરના અનંત અંબાણીના પ્રી-વેડિંગનો જણાવી શેર કરી રહ્યા છે.
વિશ્વાસ ન્યૂઝને તેની તપાસમાં જાણવા મળ્યું કે વાયરલ દાવો ખોટો છે. વાયરલ વીડિયો અનંત અંબાણી અને રાધિકાના પ્રી-વેડિંગ સેલિબ્રેશનનો નહીં, પરંતુ આકાશ અંબાણીના લગ્નનો વીડિયો છે. જેને હવે કેટલાક યુઝર્સ તાજેતરનો જણાવીને ભ્રામક દાવાની સાથે શેર કરી રહ્યા છે.
ફેસબુક યુઝર Udayraj Paras PMએ 7 માર્ચ 2024ના રોજ એક વીડિયોને પોસ્ટ કરી દાવો કર્યો કે, ”અનંત અંબાણીના પ્રી-વેડિંગમાં શાહરૂખ ખાનનું કરવામાં આવ્યું અપમાન #ambani #public #publicreaction”
પોસ્ટને સાચી માનીને અન્ય યુઝર્સ પણ તેને વાયરલ કરી રહ્યા છે. પોસ્ટના કન્ટેન્ટને અહીં જેમ છે તેમ જ લખવામાં આવ્યું છે. તેના આર્કાઇવ વર્ઝનને અહીં જુઓ.
વિશ્વાસ ન્યૂઝે વાયરલ વીડિયો વિશે જાણવા માટે સૌથી પહેલા તેના ઘણા બધા ગ્રેબ્સ કાઢ્યા. આ માટે ઈનવિડ ટૂલની મદદ લીધી. પછી આ ગ્રેબ્સને ગૂગલ લેન્સ દ્વારા સર્ચ કરવાનું શરૂ કર્યું. અસલી વીડિયો અમને હિન્દુસ્તાન ટાઈમ્સની ઓફિશિયલ યુટ્યુબ ચેનલ પર મળ્યો. તેને 9 માર્ચ 2019ના રોજ અપલોડ કરવામાં આવ્યો હતો. મળતી માહિતી મુજબ વીડિયો આકાશ અંબાણીના લગ્નનો છે.
સર્ચ દરમિયાન અમને વીડિયો માર્કેટ ટુડે નામની YouTube ચેનલ પર પણ મળ્યો. 10 માર્ચ 2019ના રોજ અપલોડ કરાયેલા વીડિયોમાં તેને આકાશ અંબાણીના લગ્નનો જણાવવામાં આવ્યો છે.
વીડિયો સાથે જોડાયેલા સમાચારને News18.comની વેબસાઈટ પર પણ વાંચી શકાય છે. 9 માર્ચ 2019ના રોજ પ્રકાશિત થયેલા સમાચારમાં વીડિયોના સ્ક્રીનશૉટ્સનો ઉપયોગ કરવામાં આવ્યો છે. સમાચાર અનુસાર, આકાશ અંબાણીના લગ્નમાં અંબાણી પરિવાર સિવાય ઘણા સ્ટાર્સ સામેલ થયા હતા. લગ્નની ઉજવણીમાં બોલીવુડના કિંગ ખાન એટલે કે શાહરૂખ ખાન અને રણબીર કપૂર જોરદાર ડાન્સ કરતા જોવા મળ્યા હતા. સાથે જ શાહરૂખ ખાનની પત્ની ગૌરી ખાન અને નીતા અંબાણી પણ લગ્નની ખુશીમાં સુંદર ડાન્સ કરતા દેખાયા હતા.
વીડિયો સંબંધિત સમાચારને અન્ય ઘણી ન્યૂઝ વેબસાઈટ પર વાંચી શકાય છે.
અગાઉ પણ અનંત અંબાણી અને રાધિકા મર્ચન્ટના પ્રી-વેન્ડિંગ સેલિબ્રેશન સાથે જોડીને ઘણા દાવાઓ સોશિયલ મીડિયા પર વાયરલ થયા છે. જેની તપાસ વિશ્વાસ ન્યૂઝે કરી છે. તમે વિશ્વાસ ન્યૂઝની વેબસાઈટ પર આ ફેક્ટ ચેક રિર્પોટને વાંચી શકો છો.
વધુ માહિતી માટે અમે મુંબઈના વરિષ્ઠ પત્રકાર પરાગ છાપેકર સાથે વાત કરી. તેમણે વાયરલ વીડિયોને જૂનો ગણાવ્યો છે.
તપાસના અંતે Udayraj Paras PM નામના ફેસબુક યુઝરની તપાસ કરવામાં આવી. સોશિયલ સ્કેનિંગમાં જાણવા મળ્યું કે યુઝરને 5 હજાર લોકો ફોલો કરે છે. યુઝર ભીંડનો રહેવાસી છે.
निष्कर्ष: વિશ્વાસ ન્યૂઝની તપાસમાં વાયરલ દાવો ભ્રામક નીકળ્યો. શાહરૂખ ખાનનો વીડિયો માર્ચ 2019થી ઇન્ટરનેટ પર ઉપલબ્ધ છે. આ વીડિયોનો અનંત અંબાણીના પ્રી-વેડિંગ સેલિબ્રેશન સાથે કોઈ લેવાદેવા નથી. આ વીડિયો આકાશ અંબાણીના લગ્નનો છે.
Knowing the truth is your right. If you have a doubt on any news that could impact you, society or the nation, let us know. You can share your doubts and send you news for fact verification on our mail ID contact@vishvasnews.com or whatsapp us on 9205270923