Fact Check: সুভাষ চন্দ্ৰ বসুৱে নিজৰ মৃত্যুৰ বাতৰি পঢ়ি থকা ভাইৰেল ছবি সম্পাদিত
বিশ্বাস নিউজ তেওঁৰ অনুসন্ধানত গম পাইছিল যে ছবিখন সম্পাদনা কৰা হৈছিল।
- By: Ankita Deshkar
- Published: Oct 6, 2021 at 05:28 PM
নতুন দিল্লী (বিশ্বাস নিউজ): শেহতীয়াকৈ বিভিন্ন ছ’চিয়েল মিডিয়া প্লেটফৰ্মত সুভাষ চন্দ্ৰ বসুৰ এখন ক’লা-বগা ছবি ভাইৰেল হৈ আছে আৰু ইয়াত দাবী কৰা হৈছে যে স্বাধীনতা সংগ্ৰামী সুভাষ চন্দ্ৰ বসুৱে বাতৰি কাকতত বিমান দুৰ্ঘটনাত তেওঁৰ মৃত্যুৰ বাতৰি পঢ়ি আছে। বিশ্বাস নিউজৰ অনুসন্ধানত লাভ কৰা তথ্য অনুসৰি এই ছবিখন সম্পাদিত হৈছে।
কি এই ভাইৰেল পোষ্ট??
ফে’চবুক ইউজাৰ ভাৰত চন্দ্ৰ দাসে এই ক’লা-বগা ফটোখন পোষ্ট কৰি লিখিছে: কি সুন্দৰ সংগ্ৰহ… আপুনি যিমান পাৰে শ্বেয়াৰ কৰক
লগতে লিখিছে, ১৯৪৫ চনৰ ২৩ এপ্ৰিলত নেতাজী সুভাষচন্দ্ৰ বসুৱে এখন বাতৰি কাকতত বিমান দুৰ্ঘটনাত তেওঁৰ মৃত্যুৰ খবৰ পঢ়ি আছে। ব্ৰিটিছ পোহনীয়া কুকুৰ কংগ্ৰেছৰ আটাইতকৈ ডাঙৰ মিছা।
এই পোষ্টটো আৰু ইয়াৰ আৰ্কাইভ সংস্কৰণটো ইয়াত চাব পাৰিব।
অনুসন্ধান
বিশ্বাস নিউজে সৰ্বপ্ৰথমেই গুগল ৰিভাৰ্চ ইমেজ টুলৰ সহায়ত এই ছবিখন অনুসন্ধান কৰিছিল। অনুসন্ধানত আমি জনৈক অনুজ ধৰৰ টুইটাৰ হেণ্ডেল দেখিবলৈ পাইছিলোঁ। এই ছবিখনৰ সৈতে শিৰোনামটো দিয়া হৈছে: সুভাষ চন্দ্ৰ বসুৱে জাপানৰ সৰ্ববৃহৎ আৰু পুৰণি ইংৰাজী ভাষাৰ দৈনিক বাতৰি কাকত নিপ্পন টাইমছ (বৰ্তমান দ্য জাপান টাইমছ) পঢ়ি আছে।
যদি এই ছবিখন জুম ইন কৰা হয়, তেন্তে দেখা যায় যে স্বাধীনতা সংগ্ৰামী নেতাজীয়ে আন কোনো বাতৰিহে পঢ়ি আছে, তেওঁৰ মৃত্যুৰ বাতৰি নহয়।
আমি অনুজ ধৰৰ টুইটাৰ প্ৰফাইলতো এই ভাইৰেল ছবিখন বিচাৰি পাইছিলো। শিৰোনামটোত লিখা আছিল: কিছু পুনৰ কল্পনাৰ সৈতে মূল ছবি।
বিশ্বাস নিউজে পৰৱৰ্তী পৰ্যায়ৰ তদন্তত সুভাষ চন্দ্ৰ বসুৰ বিষয়ে অধ্যয়ন কৰা অম্বৰীশ পুণ্ডলিকৰ সৈতে যোগাযোগ কৰে। তেওঁ আমাক জনাইছিল যে “এয়া ফটোশ্বপ কৰা ছবি, যাক জাপানীসকলে বিমান দুৰ্ঘটনাৰ বাতৰি প্ৰকাশ কৰাৰ সময়ত নেতাজী জীয়াই আছিল বুলি বুজাবলৈ প্ৰস্তুত কৰা হৈছে। কিন্তু এই বিমান দুৰ্ঘটনাৰ তাৰিখ ২৩ এপ্ৰিল, ১৮ আগষ্ট, ১৯৪৫ নহয়। ১৯৪৫ চনৰ ১৮ আগষ্টৰ পৰা তেওঁৰ এখনো ছবি উপলব্ধ নহয়। নেতাজীয়ে পঢ়ি থকা বাতৰি কাকতৰ ছবিৰ বিষয়বস্তুও সম্পাদনা কৰা হৈছে। “
বিশ্বাস নিউজ ভাইৰেল ছবিখন শ্বেয়াৰ কৰা ফেচবুক ব্যৱহাৰকাৰীজনৰ ছ’চিয়েল প্ৰ’ফাইল পৰীক্ষা কৰিছিল। আমি দেখিছিলো যে ব্যৱহাৰকাৰী ভাৰত চন্দ্ৰ দাস এজন ‘সাংবাদিক’ আৰু তেওঁ বালাচোৰত বাস কৰে।
নিষ্কৰ্ষঃ বিশ্বাস নিউজ তেওঁৰ অনুসন্ধানত গম পাইছিল যে ছবিখন সম্পাদনা কৰা হৈছিল।
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
