Fact Check: ৰতন টাটাৰ নামত ভাইৰেল হৈ থকা পোষ্টটো ভুৱা
উপসংহাৰ: আমাৰ অনুসন্ধানত লাভ কৰা তথ্য অনুসৰি ভাইৰেল পোষ্টটোত কৰা দাবীটো ভুৱা। ৰতন টাটাই দেশখনক কৰোনা মুক্ত কৰিবলৈ তেওঁৰ সম্পূৰ্ণ সম্পত্তি খৰচ কৰাৰ কথা কতো কোৱা নাই।
- By: Amanpreet Kaur
- Published: May 25, 2021 at 12:43 AM
নতুন দিল্লী (Vishvas News)। ছ’চিয়েল মিডিয়াত এটা পোষ্ট ভাইৰেল হৈ আছে য’ত দাবী কৰা হৈছে যে উদ্যোগপতি ৰতন টাটাই ভাৰতক কৰোনা মুক্ত দেশ হিচাপে গঢ়ি তুলিবলৈ তেওঁৰ সমগ্ৰ সম্পত্তি খৰচ কৰাৰ কথা কৈছে। বিশ্বাস নিউজৰ অনুসন্ধানত পোৱা গৈছে যে ভাইৰেল পোষ্টটোত ৰতন টাটাৰ উদ্ধৃতি দিয়া বিবৃতিটো ভুল আছিল।
দৰাচলতে, ৰতন টাটাই যোৱা বছৰ কৰোনা ভাইৰাছৰ বিৰুদ্ধে যুঁজিবলৈ ১৫০০ কোটি টকাৰ অনুদান ঘোষণা কৰিছিল। একে সময়তে, টাটা গোটে শেহতীয়াকৈ চিকিৎসা অক্সিজেনৰ যোগান বৃদ্ধিত চৰকাৰৰ সহযোগিতাৰো আহ্বান জনাইছিল। অৱশ্যে, ৰতন টাটাই কেতিয়াও কোনো বিবৃতি দিয়া নাছিল যে তেওঁ তেওঁৰ সমগ্ৰ সম্পত্তি কৰোনা ভাইৰাছৰ বিৰুদ্ধে যুঁজিবলৈ আগবঢ়াই দিবলৈ।
কি এই ভাইৰেল পোষ্ট
ফে’চবুক ইউজাৰ Piyush Yadav এ ৰতন টাটাৰ এখন ফটোৰে সৈতে এটা পোষ্ট শ্বেয়াৰ কৰি লিখিছে, : ৰতন টাটা ডাঙৰীয়াই কৈছে, মোৰ সকলো সম্পত্তি গুচি গ’লেও আপত্তি নাই, কিন্তু ভাৰত ক’ৰোনা মুক্ত হ’ব লাগিব..এই মহান দেশভক্তিগৰাকীৰ মনোভাৱক প্ৰণাম জনাইছোঁ..আহক! সকলোৱে কৰো যত্ন… টাটা ডাঙৰীয়াই পাওক ভাৰতৰত্ন..
এই পোষ্টটোৰ আৰ্কাইভ সংস্কৰণ ইয়াত পঢ়িব পাৰিব।
অনুসন্ধান
বিশ্বাস নিউজে প্ৰথমে ভাইৰেল পোষ্টটোত কৰা দাবীৰ অনুসন্ধান কৰিবলৈ কী-ৱৰ্ডৰ সৈতে ইণ্টাৰনেটত অনুসন্ধান কৰিছিল, কিন্তু আমি ভাইৰেল দাবীটো নিশ্চিত কৰিব পৰা কোনো সংবাদ মাধ্যমৰ প্ৰতিবেদন পোৱা নাছিলোঁ। যদি ৰতন টাটাই এই মন্তব্য দিলেহেতেন, তেন্তে এয়া এক ডাঙৰ খবৰ হ’লহেঁতেন আৰু সংবাদ মাধ্যমৰ শিৰোনাম দখল কৰিলেহেঁতেন।
তাৰ পিছত আমি ৰতন টাটাৰ সকলো অফিচিয়েল ছচিয়েল মিডিয়া একাউণ্টছ স্কেন কৰিছিলো কিন্তু আমি তেনে কোনো পোষ্ট দেখিবলৈ পোৱা নাছিলোঁ। টাটা সামাজিক মাধ্যমত যথেষ্ট সক্ৰিয়।
অধিক তথ্যৰ বাবে, আমি ই-মেইলযোগে টাটা গ্ৰুপৰ ব্যক্তিগত কৰ্পোৰেট যোগাযোগ বিষয়া বব জনৰ সৈতে যোগাযোগ কৰিছিলোঁ। আমাৰ ইমেইলৰ উত্তৰত, ববে স্পষ্ট কৰি দিছিল যে ৰতন টাটাই এনে কোনো বিবৃতি দিয়া নাই, ভাইৰেল হৈ থকা পোষ্টটো ভুৱা।
উল্লেখ্য যে বাতৰিৰ প্ৰতিবেদন অনুসৰি, বিগত বছৰৰ মাৰ্চ মাহত, ৰতন টাটা আৰু টাটা চন্সে ১৫০০ কোটি টকাৰ কোভিড ১৯ ৰ সৈতে মোকাবিলা কৰিবলৈ দেশলৈ দান কৰাৰ সিদ্ধান্ত লৈছিল। ইয়াৰে টাটা ট্ৰাষ্টৰ পৰা ৫০০ কোটি টকা, টাটা ছন্ছৰ পৰা ১০০০ কোটি টকা।
টাটা গ্ৰুপে শেহতীয়াকৈ টুইট কৰি চিকিৎসাৰ বাবে ব্যৱহৃত অক্সিজেনৰ যোগান আৰু উৎপাদন বৃদ্ধিৰ বাবে চৰকাৰৰ প্ৰচেষ্টাক সমৰ্থন কৰাৰ কথা ঘোষণা কৰিছিল। ইয়াৰ অধীনত, টাটা গ্ৰুপে তৰল অক্সিজেন পৰিবহনৰ বাবে ২৪ টা ক্ৰায়’জেনিক পাত্ৰ আমদানি কৰিছিল।
https://twitter.com/TataCompanies/status/1384559821182017537
শেষত ফে’চবুকত পোষ্টটো শ্বেয়াৰ কৰা ইউজাৰ পীয়ুষ যাদৱৰ প্ৰ’ফাইল স্কেন কৰাৰ পিছত, আমি দেখিছিলো যে ইউজাৰগৰাকী এজন গ্ৰাফিক ডিজাইনাৰ আৰু পেছাত অনুপ্ৰেৰণামূলক বক্তা। ইউজাৰজনে এই পোষ্টটো Positive Soch নামৰ এটা ফেচবুক পৃষ্ঠাত শ্বেয়াৰ কৰিছিল। বাতৰিটো লিখা পৰলৈকে পেজটোৰ প্ৰায় ২.৫ নিযুত ফ’ল’ৱাৰ্ছ আছিল।
নিষ্কৰ্ষঃ উপসংহাৰ: আমাৰ অনুসন্ধানত লাভ কৰা তথ্য অনুসৰি ভাইৰেল পোষ্টটোত কৰা দাবীটো ভুৱা। ৰতন টাটাই দেশখনক কৰোনা মুক্ত কৰিবলৈ তেওঁৰ সম্পূৰ্ণ সম্পত্তি খৰচ কৰাৰ কথা কতো কোৱা নাই।
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
