Fact Check : অসমৰ মুখ্যমন্ত্ৰীৰ ভাষণৰ নামত ভাইৰেল হৈছে গৌৰৱ প্ৰধানৰ ভিডিঅ’
উপসংহাৰ: ভাইৰেল পোষ্টটো বিশ্বাস নিউজৰ অনুসন্ধানত ভুৱা বুলি প্ৰমাণিত হৈছে। ভিডিঅ’টোত গৌৰৱ প্ৰধান নামৰ এজন ব্যক্তিক দেখুওৱা হৈছে, অসমৰ মুখ্যমন্ত্ৰী নহয়। ভিডিঅ’টো পুৰণি।
- By: Ashish Maharishi
- Published: Jun 27, 2021 at 11:43 PM
বিশ্বাস নিউজ (নতুন দিল্লী)। এটা ভিডিঅ’ সামাজিক মাধ্যমত ভাইৰেল হৈ আছে। এজন শিক্ষাৰ্থীক ভাষণ দিয়া দেখা যায়। ব্যৱহাৰকাৰীসকলে দাবী কৰিছে যে ভাষণ দিয়া ব্যক্তিজন হৈছে অসমৰ মুখ্যমন্ত্ৰী। যেতিয়া বিশ্বাস নিউজে ভাইৰেল পোষ্টটো পৰীক্ষা কৰিছিল, আমি দেখিছিলো যে এইটো এটা ভুৱা দাবী। ভিডিঅ’টোত বক্তাজনক অসমৰ মুখ্যমন্ত্ৰী বুলি উল্লেখ কৰা হৈছে। পিছে এই বক্তাজনৰ নাম হৈছে গৌৰৱ প্ৰধান।
কি এই ভাইৰেল পোষ্ট?
ফে’চবুক ব্যৱহাৰকাৰী বিনোদ কে ভাণ্ডাৰীয়ে এই ভাইৰেল ভিডিঅ’টো এটা গোটত আপলোড কৰাৰ সময়ত দাবী কৰিছিল যে ভিডিঅ’টো অসমৰ মুখ্যমন্ত্ৰীৰ ভাষণৰ ভিডিঅ’। তেওঁ লিখিছিল: “অসমৰ মুখ্যমন্ত্ৰীৰ আটাইতকৈ চুটি ভাষণ য’ত তেওঁ সকলো কথা কৈছিল। আপুনি সেইবোৰ বুজি পাইছে নে!’
পোষ্টটোৰ আৰ্কাইভ সংস্কৰণ ইয়াত চাব পাৰিব। এই ভিডিঅ’টো ফে’চবুকত সঞ্জীৱ চেহৰাৱত আৰু আশোক অত্ৰীৰ দৰে আন বহুতো ইউজাৰ্ছে আপলোড কৰিছে।
অনুসন্ধান
বিশ্বাস নিউজে প্ৰথমে ভাইৰেল ভিডিঅ’টো InVID টুলত আপলোড কৰিছিল আৰু কেইবাটাও স্ক্ৰীণশ্বট সংগ্ৰহ কৰিছিল। তাৰ পিছত সেইবোৰ গুগল ৰিভাৰ্চ ইমেজ টুলত আপলোড কৰি তাৰ পৰা মূল ভিডিঅ’ বিচাৰিবলৈ আৰম্ভ কৰিছিল। মূল ভিডিঅ’টো সমৰ্থ ভাৰত মঞ্চ নামৰ এটা ইউটিউব চেনেলত পোৱা গৈছিল। ইয়াক ৩ জানুৱাৰী, ২০২০ তাৰিখে আপলোড কৰা হৈছিল। ভিডিঅ’টোৰ শিৰোনামটোৱে আমাক দেখুৱাইছিল যে ভিডিঅ’টোত কথা পাতি থকা বক্তাজনৰ নাম গৌৰৱ প্ৰধান। মূল ভিডিঅ’টো স্কেন কৰিলে দেখা যায় যে ৯:৪০ মিনিটৰ পৰা ১০:৫৫ বজালৈ ক্লিপটো সম্পাদনা কৰা হৈছিল আৰু অসমৰ মুখ্যমন্ত্ৰীৰ নামত ভাইৰেল কৰা হৈছিল। সম্পূৰ্ণ ভিডিঅ’টো ইয়াত চাব পাৰিব।
এতিয়া আমি জানিব বিচাৰিছিলো যে এই গৌৰৱ প্ৰধান কোন। আমি সামাজিক মাধ্যমত তেওঁৰ এটা প্ৰ’ফাইল বিচাৰি পাইছিলোঁ। আমি জানিব পৰা মতে তেওঁ হৈছে গৌৰৱ প্ৰধান ফাউণ্ডেচনৰ এজন সঞ্চালক। তেওঁ গ্ৰেটাৰ নয়ডাত বাস কৰে। তেওঁৰ বিষয়ে সবিশেষ ইয়াত ক্লিক কৰি জানিব পাৰিব।
তদন্তটো অব্যাহত ৰাখি বিশ্বাস নিউজে অসম বিজেপিৰ ৰাজ্যিক মুখপাত্ৰ সুৰঞ্জন দত্তৰ সৈতে যোগাযোগ কৰে। তেওঁ ভাইৰেল পোষ্টটোক অৰ্থহীন বুলি অভিহিত কৰি কয় যে ভিডিঅ’টোত থকা মানুহজন আমাৰ মুখ্যমন্ত্ৰী ড০ হিমন্ত বিশ্ব শৰ্মা নহয়।
অনুসন্ধানটো আগুৱাই লৈ গৈ আমি ভুৱা পোষ্ট কৰা ব্যৱহাৰকাৰীজনৰ প্ৰ’ফাইল স্কেন কৰোঁ। আমি জানিব পাৰিছিলো যে ফেচবুক ব্যৱহাৰকাৰী বিনোদৰ ভাণ্ডাৰীৰ ৪,৫০০ ৰো অধিক বন্ধু আছে। ব্যৱহাৰকাৰীজনে ২০০৯ চনৰ এপ্ৰিলত একাউণ্টটো সৃষ্টি কৰিছিল। ব্যৱহাৰকাৰীজন বৰ্তমান মুম্বাইত বাস কৰে।
নিষ্কৰ্ষঃ উপসংহাৰ: ভাইৰেল পোষ্টটো বিশ্বাস নিউজৰ অনুসন্ধানত ভুৱা বুলি প্ৰমাণিত হৈছে। ভিডিঅ’টোত গৌৰৱ প্ৰধান নামৰ এজন ব্যক্তিক দেখুওৱা হৈছে, অসমৰ মুখ্যমন্ত্ৰী নহয়। ভিডিঅ’টো পুৰণি।
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
