فیکٹ چیک: شاہ رخ خان کو لندن کے ہیتھرو ایئرپورٹ پر گرفتار کرنے کی وائرل پوسٹ فرضی ہے

نئی دہلی (وشواس نیوز)۔ بالی ووڈ اداکار شاہ رخ خان کی ایک تصویر سوشل میڈیا پر زبردست وائرل ہو رہی ہے۔ اس تصویر کو لے کر صارفین دعویٰ کر رہے ہیں کہ جب شاہ رخ خان لندن میں شہریت ترمیمی قانون (سی اے اے) کے خلاف ہو رہے مظاہرے میں حصہ لینے پہنچے تو انہیں ہیتھرو ایئرپورٹ پر گرفتار کر لیا گیا۔ وشواس نیوز کی پڑتال میں یہ دعویٰ فرضی ثابت ہوا۔ شاہ رخ خان ہندوستان میں ہی ہیں۔ گزشتہ روز کچھ وقت سے وہ لندن گئے ہی نہیں ہیں۔ وائرل تصویر 2012 کی ہے۔

کیا ہے وائرل پوسٹ میں

فیس بک صارف پردیپ کمار وشنے نے 29 دسمبر کو شاہ رخ خان کی ایک تصویر شیئر کرتے ہوئے دعویٰ کیا، ’’بریکنگ: لندن میں سی اے اے احتجاج میں حصہ لینے پہنچے شاہ رخ خان کو آج ہیتھرو ایئرپورٹ سے حراست میں لے لیا گیا۔ ہندوستان کی اہم حزب مخالفت جماعت نے اسے ملک کے لئے شرمسار کر دینے والا معاملہ اور برطانیہ میں نو منتخب حکومت اور آر ایس ایس کی ملی بھگت قرار دیا ہے‘‘۔ اس پوسٹ کا آرکائیو ورژن یہاں دیکھیں۔

پڑتال

وشواس نیوز نے سب سے پہلے شاہ رخ خان کی وائرل تصویر کو غور سے دیکھا۔ تصویر کی کوالیٹی کافی لو تھی۔ اس کے بعد ہم نے گوگل سرچ کی مدد لی۔ اس کے لئے گوگل میں شاہ رخ خان لندن میں گرفتار کی ورڈ ٹائپ کر کے سرچ کیا۔ ہمیں ایک بھی ایسی خبر نہیں ملی، جو وائرل پوسٹ کی تصدیق کرتی ہو۔ تاہم شاہ رخ خان کو اگر حراست میں لیا جاتا تو یہ ملک اور عالمی میڈیا کے لئے بڑی خبر بنتی۔

اس کے بعد ہم نے وائرل تصویر کو ینڈکس میں اپ لوڈ کر کے سرچ کرنا شروع کیا۔ یہ تصویر زمبائو نام کی ایک ویب سائٹ پر ملی۔ اس میں بتایا گیا کہ تصویر اس وقت کی ہے جب شاہ رخ خان بی بی سی ریڈیو کے آفس پہنچے تھے۔ تصویر 21 جون 2012 کی ہے۔

اس کے بعد ہم شاہ رخ خان کے ہینڈل پر گئے۔ وہاں ہمیں 31 دسمبر 2019 کا ایک ٹویٹ ملا۔ اس میں شاہ رخ کو نئے سال کی مبارک باد دیتے ہوئے دیکھا جا سکتا ہے۔

Not one for telling anyone how they should be…or do what should be done…or what this year & future made to be. I have so many frailties myself…that I wish may the future be kind to all of us…& we be who we are. May Allah be kind to us inspite of ourselves. Happy New Year pic.twitter.com/IJr82PrQuF

— Shah Rukh Khan (@iamsrk) December 31, 2019

ہمیں کئی خبروں سے پتہ چلا کہ شاہ رخ خان نے اس بار نئے سال کا جشن اپنے گھر پر ہی منایا۔ جشن کی تصاویر شاہ رخ کی بیوی گوری خان نے اپنے انسٹاگرام اکاونٹ پر اپ لوڈ کی تھی۔

پڑتال کے اگلے مرحلہ میں دینک جاگرن کے ایڈیٹر (انٹرٹینمینٹ) پراگ چھاپےکر سے رابطہ کیا۔ انہوں نے وشواس نیوز کو بتایا کہ شاہ رخ خان گزشتہ کئی روز سے ہندوستان میں ہی ہیں۔ ایسے میں یہ کہنا کہ انہیں لندن کے ہیتھرو ایئرپورٹ سے حراست میں لیا گیا ہے، یہ پوری طری بکواس ہے۔

شاہ رخ خان کے پبلک رلیشن کا کام کرنے والی اسپائس کمپنی کی پی آر او ہیڈ شلپا ہانڈا نے بتایا کہ وائرل میسج فرضی ہے۔ شاہ رخ ممبئی میں ہی ہیں۔

اب باری تھی اس پوسٹ کو فرضی حوالے کے ساتھ وائرل کرنے والے فیس بک صارف پردیپ کمار ورشنے کی سوشل اسکینگ کرنے کی۔ ہم نے پایا کہ اس پروفائل سے ایک خاص آئڈیولاجی کی جانب متوجہ پوسٹس کو شیئر کیا جاتا ہے۔

نتیجہ: وشواس نیوز کی پڑتال میں یہ پتہ چلا کہ لندن میں شاہ رخ خان کو گرفتار کرنے کی وائرل پوسٹ جھوٹی ہے۔ 2012 کی پرانی تصویر کو فرضی دعوےٰ کے ساتھ وائرل کیا جا رہا ہے۔

ٹیگز

• CAA Protest
• Fact Check
• Shahrukh Khan