Fact Check: தவறான கூற்றுடன் வைரலாகி வரும் பூரி ஜகன்னாதர் ரத யாத்திரை கூட்டத்தின் புகைப்படம்

புது தில்லி விஷ்வாஸ் நியூஸ் – அயோத்தியில் ராமர் கோயிலுக்குள் பிரதிஷ்டை செய்யப்பட்ட குழந்தை ராமர் சிலையான ராம் லல்லாவை தரிசிக்க ஏராளமான பக்தர்கள் திரண்டனர். ராமரின் அருளைப் பெற நாட்டின் பல்வேறு பகுதிகளில் இருந்தும் பக்தர்கள் வருகின்றனர். இதற்கிடையில், கணிசமான கூட்டத்தை சித்தரிக்கும் புகைப்படம் ஒன்று சமூக ஊடகங்களில் வைரலாகி வருகிறது. அயோத்தியில் ராமர் பக்தர்களைக் காட்டும்  படம் எனக் கூறி சில பயனர்கள் இந்தப் படத்தைப் பகிர்ந்து வருகின்றனர்.

இருப்பினும், விஷ்வாஸ் நியூஸ் விசாரணை நடத்தி, இந்தக் கூற்று தவறானது எனக் கண்டறிந்தது. வைரலான படம் அயோத்தி ராமர் கோவிலை சித்தரிக்கவில்லை என்பதை எங்கள் கண்டுபிடிப்புகள் வெளிப்படுத்துகின்றன; மாறாக, இது பூரி ஜகன்னாதர் ரத யாத்திரையில் எடுக்கப்பட்டது. அயோத்தி ராமர் கோவிலுடன் எந்த தொடர்பும் இல்லாத இந்தப் படம் தற்போது தவறான கூற்றுகளுடன் பரப்பப்படுகிறது.

எது வைரலாகிறது?

வைரலான படத்தைப் பகிர்ந்து, பேஸ்புக் பயனர் ‘ரமேஷ் சவுகான் ஜான்சாரி “அயோத்தியில் ராமர் பக்தர்களின் அற்புதமான கூட்டம்” “ஜெய் ஸ்ரீ ராம்” என்று எழுதியுள்ளார். இதே போன்ற கூற்றுக்களுடன் வேறு பல பயனர்கள் இந்தப் படத்தைப் பகிர்ந்துள்ளனர்.

விசாரணை:

வைரலான படத்தின் நம்பகத்தன்மையை சரிபார்க்க கூகுள் லென்ஸைப் பயன்படுத்தினோம். எங்கள் விசாரணையின் போது, ஜூன் 21, 2023 அன்று வெளியிடப்பட்ட ABP(ஏபிபி) லைவ் இன் மராத்தி இணையதளத்தில் படத்தைக் கண்டறிந்தோம். செய்தியின்படி, வைரலான படம் பூரி ஜகன்னாதர் ரத யாத்திரையில் பிடிக்கப்பட்டது, மேலும் இது தொடர்பான பல்வேறு படங்கள் உள்ளன. மேற்கொண்டு, ஆராய்ச்சி எங்களை NDTV வெப் ஸ்டோரிக்கு அழைத்துச் சென்றது, அதே வைரலான படம் 2023 பூரி ஜகன்னாதர் ரத யாத்திரை என அடையாளம் காணப்பட்டது.

டைம்ஸ் கன்டென்ட் இணையதளத்தில் வைரலான படம் குறித்த கூடுதல் தகவல் கிடைத்தது, “பூரியில் ஆண்டுதோறும் ஜகந்நாதர் ரத யாத்திரை: ஜகந்நாதரின் வருடாந்திர ரத யாத்திரையின் போது பக்தர்கள் கூட்டம்” என்ற தலைப்பில் புகைப்படம் ஜூன் 20, 2023 அன்று வெளியிடப்பட்டுள்ளது. ரத யாத்திரையின் மற்ற படங்களை ஏராளமாக தளத்தில் காணலாம்.

ஜூன் 20, 2023 அன்று, பாஜக செய்தித் தொடர்பாளர் சம்பித் பத்ராவும் ரத யாத்திரையின் படங்களைப் பகிர்ந்துள்ளார், இதை ஜகன்னாத் ரத யாத்திரை என்று விவரித்தார். பல இணையதளங்களும் வைரல் படம் தொடர்பான தகவல்களைக் கொண்டுள்ளன.

மேலும் சரிபார்க்க, ஒடிசாவின் உள்ளூர் செய்தி இணையதளமான ஒடிசா டைரியின் ஆசிரியர் ரஷ்மி ரஞ்சன் பரிதாவிடம் ஆலோசனை கேட்டோம். பரிதாவின் கூற்றுப்படி, “இந்தப் படம் பூரி ஜெகநாதர் ரத யாத்திரை” ஆகும்.

இறுதியாக, தவறான கூற்றுக்களுடன் வைரலான படத்தைப் பகிர்ந்த பயனரின் கணக்கை ஆராய்ந்தோம். அந்தப் பயனர் உத்தரகண்ட் மாநிலம் விகாஸ்நகரில் வசிப்பவர் என்பது உறுதி செய்யப்பட்டது.

முடிவு: விஷ்வாஸ் நியூஸ் தனது விசாரணையில், கூட்டத்தின் வைரலான படம் அயோத்தி ராமர் கோயிலின் படம் அல்ல, பூரி ஜகந்நாதர் ரத யாத்திரை படம் என்று கண்டறிந்தது. அயோத்தியில் உள்ள ராமர் கோவிலில் கூடியிருந்த மக்கள் கூட்டம் என்று தவறான கூற்றுடன் படம் பகிரப்பட்டு வருகிறது.

டேக்குகள்

• Ayodhya Ram Mandir
• crowd
• Jagganath Temple
• old Photo
• Ram Temple
• Viral Photo