Fact-Check: சின்னத்திரை நடிகை உர்ஃபி ஜாவேத் பாகேஷ்வர் தாமுக்கு வருகை தந்தது பற்றிய எடிட் செய்யப்பட்ட காணொளி ஒன்று, தவறான கூற்றுடன் வைரலாகி வருகிறது.

புது தில்லி விஸ்வாஸ் நியூஸ் – மத்தியப் பிரதேசத்தில் உள்ள பாகேஷ்வர் தாமுக்கு பிரபலமான செலிபிரிட்டிகள் வருகை தருவதாகக் கூறும் பொய்யான கூற்றுடன், பல்வேறு வகையான போலி பதிவுகள் அடிக்கடி வைரலாகின்றன. சமீபத்தில், சின்னத்திரை நடிகை உர்ஃபி ஜாவேத் பாகேஷ்வர் தாமுக்குச் சென்று தலைமை அர்ச்சகர் திரேந்திர சாஸ்திரியிடம் ஆசிர்வாதம் வாங்கியதாகக் கூறும் காணொளி ஒன்று வெளியானது.

பாகேஷ்வர் தாமுக்கு உர்ஃபி ஜாவேத் சென்றது பற்றிய இந்த வைரலான கூற்று தவறானது என்று விஸ்வாஸ் நியூஸ் கண்டறிந்துள்ளது. மும்பையின் அந்தேரியில் உள்ள ஒரு குருத்வாராவிற்கு உர்ஃபி ஜாவேத் சென்றபோது, அங்கு அவர் பாரம்பரிய உடையில் தோன்றினார் எனக் கூறி வைரலான காணொளி உண்மையில் ஜனவரி 2023-க்கு முந்தையது. சமூக ஊடக பயனர்கள் இந்த காணொளியை மற்ற கிளிப்புகளுடன் எடிட் செய்து தற்போது பல்வேறு தவறான கூற்றுகளுடன் அதை பகிர்ந்து வருகின்றனர்.

வைரலாகிறது என்ன?

ஜூலை 4, 2023 அன்று, முகநூல் பயனர் கோவிந்த் குப்தா (காப்பகம்) உர்ஃபி ஜாவேத் பாகேஷ்வர் தாமுக்குச் சென்றார் என்ற தலைப்புடன் வைரலான காணொளியைப் பகிர்ந்துள்ளார். இந்த பதிவில் பயன்படுத்தப்பட்ட ஹேஷ்டேக்குகளில் #urfijavedvideo, #UrfiJavedNews, #bageshwardhamsarkar, #latestnewstoday, #explore, #foryou, மற்றும் #newsviral ஆகியவைகளும் உட்படுகின்றன.

விஸ்வாஸ் செய்தி விசாரணை:

இந்த கூற்றை விசாரிக்க, விஸ்வாஸ் நியூஸ் ஆரம்பத்தில், சின்னத்திரை நடிகை உர்ஃபி ஜாவேத், பாகேஷ்வர் தாமுக்கு சென்ற வைரலான காணொளியைக் கண்டறிய, அதனுடன் தொடர்புடைய முக்கிய வார்த்தைகளைப் பயன்படுத்தி கூகுளில் ஒரு திறந்த தேடலை நடத்தியது. இருப்பினும், உர்ஃபியின் பாகேஷ்வர் தாம் விஜயத்தை எந்த நம்பகமான செய்தி ஆதாரமும் உறுதிப்படுத்தவில்லை.

விஸ்வாஸ் நியூஸ் இந்த விசாரணையை தொடர்ந்து மேற்கொண்டு, கூகுள் இமேஜஸ் மூலம் அந்த வீடியோ ஸ்கிரீன்ஷாட்டின் ரிவர்ஸ் இமேஜ் தேடலை மேற்கொண்டது. இது ஏபிபி லைவ் இணையதளத்தில் அசல் காணொளி பற்றிய அறிக்கைக்கு வழிவகுத்தது. வைரலான காணொளி, பாகேஷ்வர் தாமில் அல்ல மாறாக குருத்வாராவில் பதிவு செய்யப்பட்டது என்று ஜனவரி 28, 2023 அன்று வெளியிடப்பட்ட செய்திக் கட்டுரை தெளிவுபடுத்தியது.

ஜனவரி 28, 2023 அன்று வெளியிடப்பட்ட மற்றொரு செய்தி அறிக்கை‘ நியூஸ் நேஷன் டிவி’ இணையதளத்திலும் வைரலான இந்த காணொளி குறித்த தகவல்களை அளித்துள்ளனர். அந்த அறிக்கையின்படி, உர்ஃபி ஜாவேத் தனது தனித்துவமான ஆடைகளுக்காக சமூக ஊடகங்களில் கவனத்தைப் பெற்றார். குறிப்பிடப்பட்ட அந்த தேதியில், அவர் மும்பையின் அந்தேரியில் உள்ள ஒரு குருத்வாராவிற்கு பாரம்பரிய உடை அணிந்து சென்றார். அவரது வருகையின் போது, ​​குருத்வாராவை பார்வையிட வருபவர்களுக்கு அவர் பிரசாதம் வழங்குவதை ஒரு வீடியோ படம் பிடிக்கப்பட்டு, பின்னர் அது சமூக ஊடகங்களில் வைரலானது.

ஜனவரி 28, 2023 அன்று பகிரப்பட்ட ‘இன்ஸ்டன்ட் பாலிவுட்டின்’ சரிபார்க்கப்பட்ட இன்ஸ்டாகிராம் கணக்கிலும் உர்ஃபி ஜாவேத்தின் வைரல் காணொளியைக் காணலாம்.

இதை தெளிவுபடுத்துவதற்காக விஸ்வாஸ் செய்திகள் உர்ஃபி ஜாவேத்தை அணுகியது. பாகேஷ்வர் தாமுக்கு ஒருபோதும் அவர் சென்றதில்லை என்பதை அவர் உறுதிப்படுத்தினார்.

நாயுடுனியாவின் சத்தர்பூர் (மத்தியப் பிரதேசம்) பதிப்பின் பணியகத் தலைவர் பாரத் ஷர்மாவும் அவரது தகவலுக்காக தொடர்பு கொள்ளப்பட்டார். பாலிவுட் நடிகர்கள் யாரும் பாகேஷ்வர் தாமுக்கு செல்லவில்லை என்றும், யாராவது சென்றிருந்தால் அது பரவலாக அறியப்பட்டிருக்கும் என்றும் அவர் கூறினார்.

கடந்த காலங்களில், சமூக ஊடகங்களில் பரவலாகப் பரப்பப்பட்ட பல பிரபலங்கள் பகேஷ்வர் தாமுக்குச் சென்றது பற்றிய இதேபோன்ற போலிக் கூற்றுகளை விஸ்வாஸ் நியூஸ் விசாரித்தது.
முழுமையான விசாரணைக்குப் பிறகு, தவறான கூற்றுடன் எடிட் செய்யப்பட்ட காணொளியைப் பகிர்ந்த பயனர் அடையாளம் காணப்பட்டார். அந்த நபர் உத்தரபிரதேச மாநிலம் கோரக்பூரில் வசிப்பவர், அவர் முகநூலில் 2,000க்கும் மேற்பட்ட பின்தொடர்பவர்களைக் கொண்டவர் ஆவர்.

முடிவுரை: நடிகை உர்ஃபி ஜாவேத் பாகேஷ்வர் தாமுக்கு சென்றதாக கூறியது போலியானது என விஸ்வாஸ் நியூஸ் உறுதி செய்துள்ளது. 2023 ஜனவரியில் மும்பையில் உள்ள ஒரு குருத்வாராவிற்கு உர்ஃபி ஜாவேத் சென்றதிலிருந்து இந்த வைரலான காணொளி பரவி வருகிறது.

டேக்குகள்

• Bageshwar dham
• urofi Javed
• viral video