உண்மைச் சரிபார்ப்பு: தமிழக பாஜக தலைவர்களின் படத்தில் எடிட்டிங் கருவிகள் மூலம் சேர்க்கப்பட்ட மதுபானத்தின் படத்தைக் கொண்ட வைரலான புகைப்படம் போலியானது

புது தில்லி (விஸ்வாஸ் நியூஸ்). தமிழகத்தில் நடைபெற்ற கூட்டத்தில் மது மற்றும் அசைவ உணவுகளை உட்கொண்ட பாஜக தலைவர்களின் படம் என்று கூறி பாஜக தலைவர்களின் படம் பகிரப்பட்டு வருகிறது. பாஜக தமிழக பொதுச் செயலாளர் கேசவ் விநாயக் முன்னிலையில் இந்த சந்திப்பு நடந்தது.

விஸ்வாஸ் நியூஸ் தனது விசாரணையில், வைரலான இந்த புகைப்படம் எடிட்டிங் கருவிகளைப் பயன்படுத்தி உருவாக்கப்பட்து என்று கண்டறிந்துள்ளது. அசல் படத்தில் மதுபாட்டில்கள் இடம்பெறவில்லை. இவை எடிட்டிங் உதவியுடன் சேர்க்கப்பட்டுள்ளன. அசல் படத்தில், உறுப்பினர்கள் அனைவரும் ஒன்றாக அமர்ந்து உணவு அருந்துகிறார்கள், அருகில் ஒரு தண்ணீர் பாட்டில் வைக்கப்பட்டுள்ளது.

வைரலாவது என்ன?

பிப்ரவரி 27, 2023 அன்று முகநூல் பயனர் கருப்பு சிவப்பு காரன் என்பவர் (காப்பக இணைப்பு) வைரலான இந்த இடுகையைப் பகிர்ந்துள்ளார். கேசவ் விநாயக் இதெல்லாம் என்ன? என்ற தலைப்பில் தமிழில் எழுதப்பட்டிருந்தது.

விசாரணை

வைரலான படத்தின் உண்மைத்தன்மையை அறிய, கூகுள் ரிவர்ஸ் இமேஜ் மூலம் அந்த புகைப்படத்தை நாங்கள் தேடினோம். தமிழ்நாடு துணை சபாநாயகர் செல்வகுமாரின் ட்விட்டர் பக்கத்தில் அசல் படத்தைக் நாங்கள் கண்டோம். அசல் படம் பிப்ரவரி 27, 2023 அன்று பகிரப்பட்டுள்ளது. அசல் படத்தில், ஒரு பாட்டில் மதுபானம் அல்ல, மாறாக ஒரு பாட்டில் தண்ணீர் மேசையில் வைக்கப்பட்டுள்ளதை தெளிவாகக் காணலாம். இந்தப் படத்தை பகிர்ந்தக்கொண்டு, மாநில பொதுச் செயலாளர் (அமைப்பு) கேசவ் விநாயகன் மற்றும் மாவட்டத் தலைவருடனான சந்திப்பு என்று தமிழில் தலைப்பு எழுதப்பட்டுள்ளது,

இன்று கவுண்டம்பாளையம் சட்டமன்ற ஆய்வு கூட்டத்திற்கு வந்த மாநில அமைப்பு பொதுசெயலாளர் கேசவ விநாயகன் அவர்களும், மாவட்ட தலைவர் @balaji_utham, மற்ற மாவட்ட மண்டல நிர்வாகிகள் எங்கள் வீட்டில் மதிய உணவு எடுத்து கொண்ட பொழுது. pic.twitter.com/zne0vobwWo

— Selva Kumar (@Selvakumar_IN) February 27, 2023

விசாரணையின்போது, தமிழக பாஜகவின் வினோஜ் பி செல்வத்தின் அதிகாரப்பூர்வ ட்விட்டர் கணக்கில் வைரலான படத்துடன் இணைக்கப்பட்ட ஒரு ட்வீட்டைக் நாங்கள் கண்டோம்.

சமூக ஊடகங்களில் செல்வாக்கு புரிபவரான கோவை ஹரிஷின்  ட்வீட்டின் ஒரு ஸ்கிரீன் ஷாட்டைப் பகிர்ந்த அவர், வைரல் கூற்றை மறுத்ததுடன், இந்த வைரலான படம் எடிட் செய்யப்பட்டுள்ளது என்றும் கூறினார். கோவை ஹரிஷ் தனது ட்வீட்டை நீக்கியுள்ளார்.

கல்லாக்கோட்டை சாராய வியாபாரி தூண்டுதலின் பேரில் தொடர்ந்து ஃபோட்டோஷாப் மற்றும் பொய் செய்திகளை பரப்பி வரும் திமுக ஐடி (ட்ரோல்) அணி. குஜராத்திற்கு விமானம் பிடித்து சென்ற தமிழக காவல்துறை இந்த நபரை கவனிக்குமா?@TRBRajaa @tnpoliceoffl @DMKITwing pic.twitter.com/a92nRVsHRa

— Vinoj P Selvam (@VinojBJP) February 28, 2023

கோவை ஹரிஷின் அதிகாரப்பூர்வ ட்விட்டர் பக்கத்தையும் நாங்கள் கூகுள் செய்து பார்த்தோம். அவர் தனது ட்வீட்டை நீக்கிவிட்டதைக் நாங்கள் கண்டறிந்தோம், அதன் காப்பகப்படுத்தப்பட்ட இணைப்பை இங்கே நீங்கள் அணுகலாம். இருப்பினும், அவரது ட்வீட்டின் ஸ்கிரீன் ஷாட்டை உண்மை என்று நம்பி பயனர்கள் இன்னும் அதை பகிர்ந்து வருகின்றனர்.

மேலும் விவரங்களுக்கு, நாங்கள் பாஜக செய்தி தொடர்பாளர் விஜய் சோங்கர் சாஸ்திரியை தொடர்பு கொண்டோம். வைரலான கூற்றை மறுத்த அவர், அந்தப் படம் எடிட் செய்யப்பட்ட ஒன்று என்று விளக்கமளித்தார்.

இப்போது அந்த போலி இடுகையை பதிவு செய்த முகநூல் பயனரை விசாரிக்கும் முறை வந்தது. இந்த முகநூல் பக்கத்தின் சமூக ஸ்கேனிங்கிலிருந்து, இந்த முகநூல் பயனரை சுமார் 600 பேர் பின் தொடர்வதாக எங்களுக்கு தெரியவந்தது. சமூக ஸ்கேனிங்கின் போது, இந்த பயனர் ஒரு சித்தாந்தத்தால் ஈர்க்கப்பட்டுள்ளதையும் நாங்கள் கண்டறிந்தோம்.

முடிவுரை: விஸ்வாஸ் நியூஸ் நடத்திய விசாரணையில், தமிழக பாஜக கூட்டத்தின் வைரலான இந்த படம் எடிட்டிங் கருவிகளைப் பயன்படுத்தி உருவாக்கப்பட்டுள்ளது. அசல் படத்தில் மதுபாட்டில்கள் இடம்பெறவில்லை. இவை எடிட்டிங் உதவியுடன் சேர்க்கப்பட்டுள்ளன. அசல் படத்தில், உறுப்பினர்கள் அனைவரும் ஒன்றாக அமர்ந்து உணவு அருந்துகிறார்கள், அருகில் ஒரு தண்ணீர் பாட்டில் வைக்கப்பட்டுள்ளது.

டேக்குகள்

• BJP
• Fact Check
• Tamilnadu