వాస్తవ తనిఖీ: ఆర్కిటిక్ సర్కిల్ నుండి అని క్లెయిమ్ చేయబడిన పెద్ద చంద్రుడి వీడియో ఎడిట్ చేయబడినది

కొత్త ఢిల్లీ (విశ్వాస్ న్యూస్): వాట్సాప్ మరియు ఫేస్‎బుక్ వేదికలపై విస్తృతంగా షేర్ చేయబడుతున్న ఒక పోస్ట్ ను విశ్వాస్ న్యూస్ చూసింది. యూజర్లు పెద్ద చంద్రుడికి సంబంధించిన ఒక ఎడిట్ చేయబడిన వీడియోను ఇటీవలి చంద్ర గ్రహణముతో కనెక్ట్ చేశారు మరియు తప్పుదోవపట్టించే క్లెయిమ్స్ తో దానిని షేర్ చేశారు. విశ్వాస్ న్యూస్ ఇది వరకు కూడా దాని గురించి తనిఖీ నిర్వహించింది మరియు అది నకిలీది అని కనుగొనింది.

క్లెయిమ్:

ఫేస్‎బుక్ యూజర్ ఠాకుర్ రాజేష్ సింగ్ పర్మార్ వైరల్ వీడియోను తన ఫేస్‎బుక్ ప్రొఫైల్ పై షేర్ చేశారు మరియు హిందీలో ఇలా వ్రాసారు:

అనువాదము

ఈ వీడియో ఆర్కిటిక్ సర్కిల్ లో కెనడా, అలాస్కా మరియు రష్యా సరిహద్దులో షూట్ చేయబడింది. ఈ దృగ్విషయం కేవలం కొన్ని క్షణాలు మాత్రమే ఉంటుంది, కాని ఇది మెచ్చుకోదగిన ఒక అద్భుతమైన దృశ్యం. ఈ దృగ్విషయాన్ని సంవత్సరానికి ఒకసారి 36 క్షణాల వరకు చూడవచ్చు; చంద్రుడు తన పూర్తి ప్రకాశముతో కనిపిస్తాడు మరియు అదృశ్యం అవుతాడు. ఇది భూమిని ఢీకొడుతుందా అన్నంత దగ్గరగా కనిపిస్తుంది, దీని తరువాత 5 క్షణాల సంపూర్ణ సూర్య గ్రహణముతో అంతా చీకటి అవుతుంది. ఈ దృగ్విషయం కేవలం ఒక పెరిగీ (చంద్రుడు భూమికి అతి దగ్గరగా ఉండే ఒక బిందువు) వద్ద జరుగుతుంది మరియు ఇక్కడి నుండి మనము మన గ్రహము ఎంత వేగముతో కదులుతుంది అనేది అనుభూతి చెందగలము. అద్భుతం!

పోస్ట్ ను ఇక్కడ పరీక్షించండి మరియు దాని ఆర్కైవ్ వర్షన్ ను ఇక్కడ చూడండి.

దర్యాప్తు:

విశ్వాస్ న్యూస్ ముందుగా వీడియోను డౌన్లోడ్ చేసింది మరియు ఇన్విడ్ సాధనము ఉపయోగించి దానిని సెర్చ్ చేశాము. మేము వీడియో యొక్క చాలా స్క్రీన్ గ్రాబ్స్ తీసుకున్నాము మరియు దానిని గూగుల్ రివర్స్ ఇమేజ్ సెర్చ్ ద్వారా సెర్చ్ చేశాము.

మాకు ఈ వీడియో అలెక్సే_ఎన్ అనే ఒక యూట్యూబ్ ఛానల్ పై లభించింది. వీడియో సూపర్ మూన్ అనే ఒక యూట్యూబ్ షార్ట్స్ రూపములో ఉంది.

అలెక్సే యూట్యూబ్ ఛానల్ యొక్క మా గురించి అనే విభాగములో ఇవ్వబడిన ఈమెయిల్ ఐడి ప్రకారము, మేము అతని పూర్తి పేరు అలెక్సే పాట్రేవ్ అని కనుగొన్నాము.

మేము ఇన్స్టాగ్రాం ఖాతా సృష్టికర్తను కూడా కనుగొన్నాము. అతని బయో ప్రకారము, అలెక్సే ఒక డిజిటల్ క్రియేటర్.

మాకు ఇటువంటి రీల్ ఒక ఇన్స్టాగ్రాం హ్యాండిల్ ‘seekersofthecosmos‘ పై లభించింది. యానిమేషన్ యొక్క క్రెడిట్స్ ‘అలెక్సే’ కు ఇవ్వబడ్డాయి.

అందుచేత ఇది ఒక యానిమేటెడ్ వీడియో అని స్పష్టం అయ్యింది. విశ్వాస్ న్యూస్ ఇదివరకు అలెక్సే పాట్రేవ్ ను ఈమెయిల్ ద్వారా కనెక్ట్ అయ్యింది మరియు ఈ వీడియో కంప్యూటర్ గ్రాఫిక్స్ ఉపయోగించి చేయబడింది అని ఆయన తెలియజేశారు.

దర్యాప్తులోని తరువాతి దశలో మేము ఒక యానిమేటర్ మరియు డిజిటల్ క్రియేటర్, ఎడిటర్ అయిన సారంగ్ నింఖేడ్కర్ ను కలిశాము. ఈ వీడియో కంప్యూటర్ జనరేటెడ్ ఇమేజరీ (సిజిఐ) ఉపయోగించి చేయబడింది అని ఆయన తెలియజేశారు. ఈ వీడియో సృష్టించుటకు చంద్రుడి చిత్రము ఒక సీన్ పై ఉపయోగించబడింది.

విశ్వాస్ న్యూస్ ఇదివరకు ఇదే వీడియో పై వాస్తవ తనిఖీ నిర్వహించింది. దాని గురించి ఈ దిగువన చూడండి.

దర్యాప్తు యొక్క చివరి దశలో మేము వీడియోను పోస్ట్ చేసిన యూజర్ యొక్క సోషల్ నేపథ్యము తనిఖీ నిర్వహించాము. ఠాకుర్ రాజేష్ సింగ్ పార్మర్ ఇండోర్ నివాసి అని మరియు డిసెంబరు 2016 లో ఫేస్‎బుక్ లో చేరారు అని కనుగొన్నాము.

ముగింపు: చంద్రుడి వీడియో ఆర్కిటిక్ సర్కిల్ నుండి కెనడా, అలాస్కా మరియు రష్యా సరిహద్దు నుండి తీయబడినదని, నిజమైనదని క్లెయిమ్ చేసే వైరల్ క్లెయిమ్ నకిలీది. ఈ వీడియో డిజిటల్ క్రియేటర్ అలెక్సే పాట్రేవ్ ద్వారా సృష్టించబడింది.

ట్యాగ్స్

• Arctic Circle
• Fact Check
• Moon