உண்மைச் சரிபார்ப்பு: உலகின் மிக உயரமான மனிதர் துருக்கியைச் சேர்ந்தவர், பாகிஸ்தானை சேர்ந்தவரல்ல
- By: Pallavi Mishra
- Published: Nov 7, 2022 at 05:05 PM
புது தில்லி (விஸ்வாஸ் நியூஸ்). ஒரு உயரமான மனிதனின் காணொளி ஒன்று பல சமூக ஊடக தளங்களில் வைரலாகி வருகிறது. இந்த பாகிஸ்தானிய மனிதர் தான் உலகின் மிக உயரமான மனிதர் என்று இந்த இடுகை கூறுகிறது. விஸ்வாஸ் நியூஸ் இந்த கூற்று போலியானது என்று கண்டறிந்தது. இந்த புகைப்படத்தில் உள்ள இந்த மனிதர் உலகின் மிக உயரமான மனிதர் அல்ல. தற்போது, உலகின் மிக உயரமான மனிதர் ஒரு பாகிஸ்தானியர் அல்ல, மாறாக ஒரு துருக்கிய மனிதர் ஆவார்.
வைரலான இடுகையில் என்ன உள்ளது
ஒரு உயரமான மனிதனின் வீடியோ ஒன்று சமூக வலைதளங்களில் வைரலாகி வருகிறது.
இங்கே இந்த இடுகையின் காப்பக இணைப்பை பார்க்கவும்.
விசாரணை
நாங்கள் முதலில் காணொளியை கவனமாகப் பார்த்தோம். பல இடங்களில், அந்த நபரின் உயரம் ஏற்ற இறக்கத்துடன் காணப்படும். பல இடங்களில், இந்த நபர் சாதாரண உயரமுடைய நபராகவும் மற்றும் பல இடங்களில் மிகவும் உயரமான நபராகவும் தோன்றுகிறார். இது காணொளி எடிட் செய்யப்பட்டது போல் தெரிகிறது.
இடுகையில் உள்ள உரிமைகோரலைச் சரிபார்க்க நாங்கள் முக்கிய வார்த்தைகளுடன் தேடினோம். நாங்கள் guinnessworldrecords.com இல் மிக உயரமான மனிதனைப் பற்றிய கட்டுரையைக் கண்டோம். துருக்கியைச் சேர்ந்த சுல்தான் கோசென் 251 செமீ உயரம் கொண்ட உலகின் மிக உயரமான நபர். கின்னஸ் உலக சாதனைகளின்படி (8 அடி 2.8 அங்குலம்) உயரம்.
சுல்தான் கோசனின் படத்திற்கும் வைரலான வீடியோவில் இருக்கும் நபரின் படத்திற்கும் எந்த ஒற்றுமையும் இல்லை.
அதன்பிறகு நாங்கள் கடந்த 100 ஆண்டுகளில் மிக உயரமான மனிதர்களுக்கான கின்னஸ் உலக சாதனைகளை தேடிப் பார்த்தோம்.
இந்தப் பட்டியலில் பட்டியலில் 1981-ம் ஆண்டு உலகின் மிக உயரமான நபர் என்ற பட்டத்தைப் பெற்ற பாகிஸ்தானைச் சேர்ந்த ஆலம் சன்னாவின் பெயர் இடம்பெற்றிருந்தது. அவர் 1998 இல் இறந்தார். ஆலம் சன்னாவைப் பற்றிய கூடுதல் தகவல்களை dawn.com.-ன் இந்த செய்தியில் படிக்கலாம்.
இது குறித்து நாங்கள் கின்னஸ் உலக சாதனை நிறுவனத்தை தொடர்பு கொண்டோம். கின்னஸ் வேர்ல்ட் ரெக்கார்ட்ஸ் லிமிடெட்டின் PR நிர்வாகி அலினா பாலியன்ஸ்காயா, 8 பிப்ரவரி 2011 அன்று துருக்கியின் அங்காராவில் 251 செமீ (8 அடி 2.8 அங்குலம்) அளந்த சுல்தான் கோசென் (துருக்கி, பி.10 டிசம்பர் 1982) தான் வாழும் மிக உயரமான மனிதர்.” என்று எங்கள் மின்னஞ்சலுக்குப் பதிலளித்தார்,
இந்த இடுகை முகநூலில் ‘நானூன்’ (‘নানু ান’) என்ற பயனரால் பகிரப்பட்டது. இந்த பயனர் பங்களாதேஷில் வசிப்பவர்.
முடிவுரை: விஸ்வாஸ் நியூஸ் தனது விசாரணையில் படத்தில் உள்ள மனிதர் உலகின் மிக உயரமான மனிதர் இல்லை என்று கண்டறிந்துள்ளது. தற்போது உலகின் மிக உயரமான மனிதர் பாகிஸ்தானியர் அல்ல மாறாக துருக்கியைச் சேர்ந்தவர் ஆவார்.
- Claim Review : உலகின் மிக உயரமான மனிதர் பாகிஸ்தானைச் சேர்ந்த ஒரு முஸ்லிம் சகோதரர் ஆவார்
- Claimed By : முகநூல் பயனர் ஜஃப்ருல் தாலுக்டர்
- Fact Check : Misleading
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
