Fact Check: एशिया कप जिंकल्यावर बुर्ज खलिफा वर नाही डिस्प्ले झाला श्री लंकेचा झेंडा, व्हायरल चित्र तीन वर्ष जुने

नवी दिल्ली (विश्वास न्यूज): बुर्ज खलिफाचा एक फोटो सोशल मीडियावर मोठ्या प्रमाणात व्हायरल होत आहे. बुर्ज खलिफावर श्रीलंकेचा ध्वज फडकताना दिसत आहे. आशिया चषक 2022 चे विजेतेपद जिंकल्यानंतर बुर्ज खलिफावर श्रीलंकेचा ध्वज फडकवण्यात आल्याचा दावा हा फोटो शेअर करून केला जात आहे.

विश्वास न्यूजच्या तपासात हा व्हायरल दावा दिशाभूल करणारा असल्याचे सिद्ध झाले आहे. व्हायरल झालेला फोटो 2019 मधील आहे. 2019 मध्ये श्रीलंकेत सहा बॉम्बस्फोट झाले. त्यानंतर बुर्ज खलिफावर श्रीलंकेचा ध्वज फडकवून मृतांना श्रद्धांजली वाहण्यात आली. ज्याचा फोटो सोशल मीडियावर भ्रामक दावा करून शेअर केला जात आहे.

काय होत आहे व्हायरल?

फेसबुक यूजर Chamara Prasad Lk ने व्हायरल चित्र शेअर आणि लिहले, “एशिया कप में श्रीलंका की जीत के बाद बुर्ज खलीफा।”

पोस्ट ची आर्काइव्ह लिंक इथे बघा.

तपास:

व्हायरल दाव्याचे सत्य जाणून घेण्यासाठी आम्ही गुगल रिव्हर्स इमेजद्वारे फोटो शोधला. यादरम्यान, आम्हाला बुर्ज खलिफाच्या अधिकृत ट्विटर अकाउंटवर अपलोड केलेला अचूक फोटो मिळाला. हा फोटो 25 एप्रिल 2019 रोजी शेअर करण्यात आला होता. कॅप्शननुसार, श्रीलंकेला समर्थन देण्यासाठी त्याचा झेंडा उंचावला होता आणि हे जग सहिष्णुता आणि एकमेकांच्या उपस्थितीने बनले आहे, असे लिहिले होते.

https://twitter.com/BurjKhalifa/status/1121437605357346816?s=20&t=D6N6GkKNSDzwy1bhnHGREA

तपास पुढे नेत, आम्ही संबंधित कीवर्डसह शोध सुरू केला. या दरम्यान आम्हाला 26 एप्रिल 2019 रोजी द हिंदूच्या वेबसाइटवर प्रकाशित झालेल्या व्हायरल दाव्याशी संबंधित एक अहवाल सापडला. अहवालात दिलेल्या माहितीनुसार, 2019 मध्ये श्रीलंकेत दहशतवाद्यांनी श्रीलंकेतील तीन चर्च आणि तीन हॉटेलवर हल्ला करून सहा बॉम्बस्फोट घडवले. त्यानंतर बुर्ज खलिफा येथे स्फोटात मृत्युमुखी पडलेल्यांना श्रद्धांजली वाहण्यासाठी श्रीलंकेचा ध्वज फडकावण्यात आला.

आम्हाला हा फोटो Getty Images वेबसाइटवर देखील मिळाला. वेबसाइटनुसार, फोटो 2019 मधला आहे.

शोध सुरू ठेवून, श्रीलंकेच्या विजयानंतर बुर्ज खलिफावर श्रीलंकेचा ध्वज प्रदर्शित झाला होता का, याचा शोध सुरू केला. या काळात आम्हाला कोणतेही विश्वसनीय मीडिया रिपोर्ट मिळालेले नाहीत. आम्ही बुर्ज खलिफाचे अधिकृत ट्विटर खाते देखील तपासले. तिथेही आम्हाला कोणतीही माहिती मिळाली नाही.
अधिक जानकारी के लिए हमने दैनिक जागरण डिजिटल के स्पोर्ट्स हेड विप्लव से संपर्क किया। उन्होंने हमें बताया कि वायरल दावा गलत है। यह तस्वीर श्रीलंका के मैच जीतने के बाद की नहीं है।

तपासाअंती विश्वास न्यूजने चमारा प्रसाद एलके या बनावट पोस्ट वापरकर्त्याचे सोशल स्कॅनिंग केले. प्रोफाइलवर दिलेल्या माहितीनुसार, युजर हा श्रीलंकेचा रहिवासी आहे.

निष्कर्ष: आशिया कपमध्ये श्रीलंकेच्या विजयानंतर बुर्ज खलिफावर श्रीलंकेचा ध्वज प्रदर्शित केल्याचा दावा दिशाभूल करणारा ठरला, विश्वास न्यूजने तपास केला. व्हायरल झालेला फोटो 2019 मधील आहे. 2019 मध्ये श्रीलंकेत सहा बॉम्बस्फोट झाले. त्यानंतर बुर्ज खलिफावर श्रीलंकेचा ध्वज फडकवून मृतांना श्रद्धांजली वाहण्यात आली. ज्याचा फोटो सोशल मीडियावर भ्रामक दावा करून शेअर केला जात आहे.

टॅग्स

• Asia Cup
• Fact Check
• fake news
• Sri Lanka