ଫ୍ୟାକ୍ଟ ଚେକ୍: ଦୁନିଆର ସବୁଠୁ ଦାମୀ ବୋତଲରେ ପାଣି ପିଉଥିବା ନୀତା ଅମ୍ବାନୀଙ୍କର ଏହି ଫଟୋ ଏଡିଟ୍ କରାଯାଇଛି
ନିଷ୍କର୍ଷ: ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ଏହି ଦାବି ନକଲି ବୋଲି ଜଣା ପଡ଼ିଲା। ନୀତା ଅମ୍ବାନୀଙ୍କର ଏହି ଫଟୋ ଏଡିଟ୍ କରାଯାଇଛି। ଦୁନିଆର ସବୁଠୁ ଦାମୀ ବୋତଲରେ ନୀତା ଅମ୍ବାନୀ ପାଣି ପିଉଥିବା ସମ୍ବନ୍ଧୀୟ କୌଣସି ଆନୁଷ୍ଠାନିକ ସୂଚନା ଉପଲବ୍ଧ ନାହିଁ।
- By: Umam Noor
- Published: Nov 25, 2021 at 03:03 PM
ନୂଆଦିଲ୍ଲୀ (ବିଶ୍ୱାସ ନ୍ୟୁଜ୍)। ସୋସିଆଲ ମିଡିଆରେ ନୀତା ଅମ୍ବାନୀଙ୍କର ଏକ ଫଟୋ ଭାଇରାଲ ହେଉଛି, ଯେଉଁଥିରେ ତାଙ୍କୁ ଏକ ବିଳାସପୂର୍ଣ୍ଣ ବୋତଲରୁ ପାଣି ପିଉଥିବାର ଦେଖିବାକୁ ମିଳୁଛି। ୟୁଜରମାନେ ଏହି ଫଟୋକୁ ଅସଲି ଭାବି ଭାଇରାଲ କରୁଛନ୍ତି ଏବଂ ଦାବି କରୁଛନ୍ତି ଯେ ନୀତା ଅମ୍ବାନୀ ଦୁନିଆର ସବୁଠାରୁ ମହଙ୍ଗା ବୋତଲରେ ପାଣି ପିଉଛନ୍ତି। ବିଶ୍ୱାସ ନ୍ୟୁଜ୍ର ଅନୁସନ୍ଧାନରୁ ଜଣାପଡିଛି ଯେ ଏହି ଦାବି ମିଥ୍ୟା ଅଟେ। ନୀତା ଅମ୍ବାନୀଙ୍କ ଏହି ଫଟୋ ଏଡିଟ୍ କରାଯାଇଛି। ଦୁନିଆର ସବୁଠୁ ଦାମୀ ବୋତଲରେ ନୀତା ଅମ୍ବାନୀ ପାଣି ପିଉଥିବା ସମ୍ବନ୍ଧୀୟ କୌଣସି ଆନୁଷ୍ଠାନିକ ସୂଚନା ମିଳି ନାହିଁ।
ଭାଇରାଲ୍ ପୋଷ୍ଟରେ କ’ଣ ଅଛି?
ଫେସବୁକ ୟୁଜର୍ ‘ତଲୱାର ରଙ୍ଗା ସ୍ୱାମୀ’ ନୀତା ଅମ୍ବାନୀଙ୍କର ଏଡିଟ୍ କରାଯାଇଥିବା ଫଟୋ ଅପଲୋଡ୍ କରି ଲେଖିଛନ୍ତି, ‘ନୀତା ଅମ୍ବାନୀ ଦୁନିଆର ସବୁଠାରୁ ମହଙ୍ଗା ପାଣି ପିଉଛନ୍ତି ଯାହାର ମୂଲ୍ୟ ବୋତଲ ପିଛା 40 ଲକ୍ଷ ଟଙ୍କା! ନୀତା ଅମ୍ବାନୀ ପିଉଥିବା ପାଣି ଦୁନିଆର ସବୁଠାରୁ ଦାମୀ ପାଣି ବୋଲି କୁହାଯାଉଛି। ଯଦି ଆପଣ ଏହି ଜଳର ବିଶେଷତ୍ୱ ଜାଣିବେ, ତେବେ ଆପଣ ଆଶ୍ଚର୍ଯ୍ୟ ହୋଇଯିବେ। ଆପଣଙ୍କୁ କହିଦେଉଛି ଯେ ନୀତା ଅମ୍ବାନୀ ନିଜକୁ ଫିଟ୍ ଏବଂ ଫ୍ରେଶ୍ ରଖିବା ପାଇଁ ପିଉଥିବା ପାଣିର ଦାମ୍ 750ମିଲି ବୋତଲ ପିଛା 60,000 ଡଲାର୍। ଭାରତୀୟ ମୁଦ୍ରାରେ ଏହାର ମୂଲ୍ୟ 40 ଲକ୍ଷ ରୁ ଅଧିକ ଅଟେ। ଏହାର ନାମ ‘କ୍ରିଷ୍ଟାଲୋ ଟ୍ରିବ୍ୟୁଟୋ ଏ ମୋଡିଗ୍ଲିୟାନି’ ଏବଂ ଗୋଟିଏ ବୋତଲର ମୂଲ୍ୟ ପ୍ରାୟ 42 ଲକ୍ଷ ଟଙ୍କା। ପାଞ୍ଚ ଗ୍ରାମ ଗୋଲ୍ଡ ଆଶ୍ ମଧ୍ୟ ପାଣିରେ ମିଶା ଯାଇଥାଏ ଯାହା ଶରୀର ପାଇଁ ଲାଭଦାୟକ ଅଟେ।
ପୋଷ୍ଟର ଆର୍କାଇଭ୍ଡ ଭର୍ସନ୍ ଏଠାରେ ଦେଖନ୍ତୁ।
ଅନୁସନ୍ଧାନ
ଆମର ଅନୁସନ୍ଧାନ ଆରମ୍ଭ କରି, ଆମେ ପ୍ରଥମେ ଗୁଗୁଲ୍ ରିଭର୍ସ ଇମେଜ୍ ବ୍ୟବହାର କରି ଭାଇରାଲ୍ ଇମେଜ୍ ଖୋଜିବା ଆରମ୍ଭ କଲୁ। ସର୍ଚ୍ଚରେ, ଆମକୁ ବଲିଉଡ ମନ୍ତ୍ର ନାମକ ଏକ ୱେବସାଇଟରେ ମୂଳ ଫଟୋ ମିଳିଲା।
ଯେତେବେଳେ ଆମେ ଖବର ଖୋଲିଲୁ, ଆମେ ଫଟୋ ଦେଖିପାରିଲୁ ନାହିଁ। ତାପରେ ଆମେ ସମାନ ୟୁଆରଏଲକୁ ୱେବ୍ ଆର୍କାଇଭ୍ ର ୱେବ୍ୟାକ୍ ମେସିନ୍ରେ ଖୋଜିଲୁ ଏବଂ ଆମେ ମୂଳ ଭାଇରାଲ୍ ଫଟୋ ପାଇଲୁ ଯେଉଁଥିରେ ନୀତା ଅମ୍ବାନୀ କେଉଁ ବୋତଲରୁ ପାଣି ପିଉଛନ୍ତି ସ୍ପଷ୍ଟ ଭାବରେ ଦେଖାଯାଉଛି। ଏହା ଏକ ସାଧାରଣ ବୋତଲ, ଅର୍ଥାତ୍ ଭାଇରାଲ୍ ଫଟୋ ନକଲି।
ଅନୁସନ୍ଧାନକୁ ଆଗକୁ ନେଇ, ନୀତା ଅମ୍ବାନୀ ଦୁନିଆର ସବୁଠୁ ଦାମୀ ବୋତଲ ‘ଆକ୍ୱା ଡି କ୍ରିଷ୍ଟାଲୋ ଟ୍ରିବ୍ୟୁଟୋ ଏ ମୋଡିଗ୍ଲିୟାନି ‘ରୁ ପାଣି ପିଉଛନ୍ତି କି ନାହିଁ ଜାଣିବା ପାଇଁ ଆମେ ଚେଷ୍ଟା କରିଥିଲୁ। ସନ୍ଧାନରେ, ଆମେ ଏହି ଦାବିକୁ ସତ୍ୟ ବୋଲି ପ୍ରମାଣ କରୁଥିବା ଅନେକ ଆର୍ଟିକିଲ୍ ପାଇଲୁ, କିନ୍ତୁ କେଉଁଥିରେ ହେଲେ ଏହି ସୂଚନାର ପ୍ରାମାଣିକ ଉତ୍ସକୁ ନିଶ୍ଚିତ କରାଯାଇ ନାହିଁ।
ଭାଇରାଲ ଫଟୋ ଏବଂ ଦାବି ସହିତ ଜଡ଼ିତ ତଥ୍ୟର ସତ୍ୟତା ଜାଣିବା ପାଇଁ ଆମେ ରିଲାଏନ୍ସ କମ୍ୟୁନିକେସନ୍ସର ସହ ଉପାଧ୍ୟକ୍ଷ ଫ୍ରାଙ୍କୋ ୱିଲିୟମ୍ସଙ୍କ ସହ ଯୋଗାଯୋଗ କଲୁ ଏବଂ ଭାଇରାଲ ପୋଷ୍ଟ ତାଙ୍କୁ ପଠାଇଲୁ। ସେ ଆମକୁ କହିଥିଲେ ଯେ ନୀତା ଅମ୍ବାନୀଙ୍କ ଏହି ଫଟୋ ଏଡିଟ୍ କରାଯାଇଛି। ଠିକ୍ ସେହିପରି, ନୀତା ଅମ୍ବାନୀଙ୍କ ବୋତଲ ସମ୍ବନ୍ଧୀୟ ପ୍ରଶ୍ନ ପଚରାଯିବାରୁ ସେ କହିଥିଲେ ଯେ ଏହା ଏକ ବ୍ୟକ୍ତିଗତ ଜିନିଷ ଏବଂ ଏହା ବିଷୟରେ କହିବା ଉଚିତ ହେବ ନାହିଁ।
ଯଦିଓ ବିଶ୍ୱାସ ନ୍ୟୁଜ୍ ମଧ୍ୟ ନିଶ୍ଚିତ ଭାବରେ କହିପାରିବ ନାହିଁ ଯେ ସବୁଠୁ ଦାମୀ ବୋତଲରେ ନୀତା ଅମ୍ବାନୀ ପାଣି ପିଉଛନ୍ତି କି ନାହିଁ, କିନ୍ତୁ ଏହା ସ୍ପଷ୍ଟ ହୋଇଛି ଯେ ଭାଇରାଲ ହେଉଥିବା ଫଟୋ ଏଡିଟ୍ କରାଯାଇଛି।
ସେହିପରି, ‘ଆକ୍ୱା ଡି କ୍ରିଷ୍ଟାଲୋ ଟ୍ରିବ୍ୟୁଟୋ ଏ ମୋଡିଗ୍ଲିୟାନି’ ନାମକ ଏହି ବୋତଲ ବିଷୟରେ ‘ଗିନିଜ୍ ବୁକ୍’ର ୱେବସାଇଟରେ ଉଲ୍ଲେଖ କରାଯାଇଥିଲା ଯେତେବେଳେ ଏହା 60,000 ଆମେରିକୀୟ ଡଲାରରେ ନିଲାମ ହୋଇ ବିଶ୍ୱର ସବୁଠୁ ଦାମୀ ବୋତଲ ହୋଇଯାଇଥିଲା।
ନକଲି ପୋଷ୍ଟ ସେୟାର କରିଥିବା ୟୁଜରଙ୍କର ସୋସିଆଲ୍ ସ୍କାନିଂ କରି, ଆମେ ଜାଣିବାକୁ ପାଇଲୁ ଯେ 552 ଜଣ ୟୁଜର୍ ତଲୱାର୍ ରଙ୍ଗା ସ୍ୱାମୀଙ୍କୁ ଫଲୋ କରୁଛନ୍ତି।
निष्कर्ष: ନିଷ୍କର୍ଷ: ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ଏହି ଦାବି ନକଲି ବୋଲି ଜଣା ପଡ଼ିଲା। ନୀତା ଅମ୍ବାନୀଙ୍କର ଏହି ଫଟୋ ଏଡିଟ୍ କରାଯାଇଛି। ଦୁନିଆର ସବୁଠୁ ଦାମୀ ବୋତଲରେ ନୀତା ଅମ୍ବାନୀ ପାଣି ପିଉଥିବା ସମ୍ବନ୍ଧୀୟ କୌଣସି ଆନୁଷ୍ଠାନିକ ସୂଚନା ଉପଲବ୍ଧ ନାହିଁ।
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
