Fact Check: পৃথিৱীৰ আটাইতকৈ বয়সস্থ মহিলাগৰাকী পাকিস্তানৰ নহয়, জাপানৰহে
বিশ্বাস নিউজৰ অনুসন্ধানত প্ৰকাশ পোৱা তথ্য অনুসৰি এই পোষ্টটো বিভ্ৰান্তিকৰ। পোষ্টটোৰ ছবিবোৰ একেজন ব্যক্তিৰ নহয়। পৃথিৱীৰ আটাইতকৈ পুৰণি জীৱিত মহিলাগৰাকী জাপানৰহে, পাকিস্তানৰ নহয়।
- By: Urvashi Kapoor
- Published: Oct 8, 2021 at 01:03 AM
নতুন দিল্লী (বিশ্বাস নিউজ): ছ’চিয়েল মিডিয়াত শেহতীয়াকৈ এটা পোষ্ট ভাইৰেল হৈ আছে, য’ত এগৰাকী বৃদ্ধাৰ তিনিখন ফটো দেখা গৈছে। দাবী অনুসৰি, ছবিকেইখনত থকা মহিলাগৰাকী হৈছে বিশ্বৰ আটাইতকৈ বৃদ্ধ মহিলা আৰু তেওঁ পাকিস্তানৰ। বিশ্বাস নিউজৰ অনুসন্ধানত প্ৰকাশ পোৱা তথ্য অনুসৰি এই পোষ্টটো বিভ্ৰান্তিকৰ। পোষ্টটোৰ তিনিওখন ছবি ভিন ভিন লোকৰ। পৃথিৱীৰ আটাইতকৈ বয়সস্থ জীৱিত মহিলাগৰাকী হৈছে জাপানৰ, তেওঁ পাকিস্তানৰ নহয়।
কি এই ভাইৰেল পোষ্ট??
এগৰাকী বৃদ্ধ মহিলাৰ তিনিখন ফটো ছচিয়েল মিডিয়াত ভাইৰেল হৈ আছে। পোষ্টটোৰ সৈতে শিৰোনামটোত লিখা আছে: “পৃথিৱীৰ আটাইতকৈ বৃদ্ধা মহিলাগৰাকীয়ে আজি তেওঁৰ ২১৭ তম জন্মদিন উদযাপন কৰিছে। এয়াই ঈশ্বৰৰ মহিমা। “
পোষ্টটোৰ আৰ্কাইভ কৰা সংস্কৰণ ইয়াত চাব পাৰিব।
অনুসন্ধান
আমি সকলোবোৰ ফটো এখন এখনকৈ পৰীক্ষা কৰিছিলোঁ আৰু আমাৰ অনুসন্ধান আৰম্ভ আগবঢ়াই নিছিলোঁ।
আমি গুগল ৰিভাৰ্চ ইমেজ চাৰ্চ ব্যৱহাৰ কৰি ওপৰোক্ত ছবিখন আৱিষ্কাৰ কৰিছিলো। আমি ইউটিউবতো এটা ভিডিঅ’ত একেখন ছবি পাইছিলো।
ইয়াত মহিলাগৰাকী পাকিস্তানৰ ২১৭ বছৰীয়া ব্যক্তি বুলি দাবী কৰা হৈছে। কিন্তু, ভিডিঅ’ কেপশ্বনত লিখা হৈছে যে মহিলাগৰাকীৰ বয়স ৩০০ বছৰ, বয়স ২১৭ বছৰ নহয়। বিশ্বাস নিউজে স্বতন্ত্ৰভাৱে ইউটিউব ভিডিঅ’ৰ সত্যতা বা ভিডিঅ’টোত মহিলাগৰাকীৰ বয়স নিশ্চিত কৰিব নোৱাৰে। অৱশ্যে, ভিডিঅ’টোৱে বিভিন্ন বয়সৰ কথা উল্লেখ কৰি একেখন ছবি ব্যৱহাৰ কৰিছে।
আমি দ্বিতীয় খন ছবিখন পৰীক্ষা কৰিছিলো আৰু ইয়াৰ সত্যতা বিচাৰিবলৈ চেষ্টা কৰিছিলো।
গুগল ৰিভাৰ্চ ইমেজ চাৰ্চ ব্যৱহাৰ কৰি আমি দেখিছিলো যে ভিডিঅ’টো কেইবাটাও সংবাদ প্ৰতিষ্ঠানৰ প্ৰতিবেদনত আছে। এক প্ৰতিবেদন অনুসৰি, ওপৰোক্ত ছবিখন হৈছে চীনা ভেষজ বিশেষজ্ঞ আৰু সমৰ শিল্পী লি চি ইউএনৰ। তেওঁৰ জন্ম ১৬৭৭ চনত হৈছিল আৰু ১৯৩৩ চনৰ ৬ মে তাৰিখে ২৫৬ বছৰ বয়সত মৃত্যু হৈছিল।
এইটোৱে প্ৰমাণ কৰে যে ভাইৰেল হৈ থকা তিনিখন ছবি একেজন ব্যক্তিৰ নহয়।
এতিয়া আমি তৃতীয় খন ফটো বিচাৰিছিলো।
আমি পোষ্টটোত তৃতীয় ছবিখনৰ উৎস নিশ্চিত কৰিব পৰা নাছিলো যদিও এইটো স্পষ্ট হৈ পৰিছিল যে এই দাবীৰ সত্যতা সম্পৰ্কে বহুতো সন্দেহ আছে।
পৃথিৱীৰ আটাইতকৈ পুৰণি জীৱিত মহিলা
গিনিজ ৱৰ্ল্ড ৰেকৰ্ডছৰ তথ্য অনুসৰি জাপানৰ ফুকুওকাৰ কেন তানাকা হৈছে আনুষ্ঠানিকভাৱে
স্বীকৃতিপ্ৰাপ্ত তথা ১১৬ বছৰ ৬৬ দিনলৈ জীয়াই থকা আটাইতকৈ বৃদ্ধ মহিলা।
গিনিছ ৱৰ্ল্ড ৰেকৰ্ডছৰ মতে, ২০২১ চনৰ ১০ ছেপ্টেম্বৰত ১১২ বছৰ আৰু ২১১ দিন বয়সেৰে বিশ্বৰ আটাইতকৈ বৃদ্ধ ব্যক্তি (পুৰুষ) হিচাপে স্বীকৃত হৈছিল স্পেইনৰ ছেটাৰ্ণিনো ডে লা ফুয়াণ্টে গাৰ্চিয়া।
বিশ্বাস নিউজে ভাইৰেল পোষ্টটো সন্দৰ্ভত পাকিস্তানৰ ডন নিউজৰ কমিছনিং সম্পাদক আদিল জাফৰীৰ সৈতে যোগাযোগ কৰিছিল। তেওঁ এইদৰে কৈছিল: “এতিয়ালৈকে আটাইতকৈ পুৰণি জীৱিত মহিলাগৰাকী পাকিস্তানৰ নহয়। অৱশ্যে, ভাইৰেল পোষ্টটোত মহিলাগৰাকী কোন সেয়া মই পৰীক্ষা কৰিব নোৱাৰিলোঁ। যদি সেয়া সঁচা হ’লহেঁতেন, তেন্তে এইটো পাকিস্তানৰ বাতৰিত থাকিলহেঁতেন।”
এই পোষ্টটো আফ্ৰিকান হিষ্ট্ৰী নামৰ এটা পৃষ্ঠাৰ দ্বাৰা ফেচবুকত শ্বেয়াৰ কৰা হৈছিল। যেতিয়া আমি পৃষ্ঠাটো স্কেন কৰিছিলো, আমি দেখিছিলো যে পৃষ্ঠাটোত ৭৭৯৬ জন অনুসৰণকাৰী আছে।
নিষ্কৰ্ষঃ বিশ্বাস নিউজৰ অনুসন্ধানত প্ৰকাশ পোৱা তথ্য অনুসৰি এই পোষ্টটো বিভ্ৰান্তিকৰ। পোষ্টটোৰ ছবিবোৰ একেজন ব্যক্তিৰ নহয়। পৃথিৱীৰ আটাইতকৈ পুৰণি জীৱিত মহিলাগৰাকী জাপানৰহে, পাকিস্তানৰ নহয়।
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
